अकोला दिव्य न्यूज : धान्याने भरलेल्या ट्रकवरील चालकाचे नियंत्रण सुटल्याने रेल्वे गेट तोडून हा ट्रक सरळसोट मुंबई-अमरावती एक्सप्रेसच्या इंजिनवर जाऊन धडकला. प्रसंगावधान दाखवून एक्सप्रेस चालकाने तात्काळ ब्रेक लावल्याने मोठी दुर्घटना टळली. मात्र एक्सप्रेसमध्ये झोपलेले प्रवासी बर्थवरुन खाली पडले. मात्र कुणालाही मोठी दुखापत झाली नाही. खोळंबली रेल्वे वाहतूक पूर्ववत करण्यात येत आहे.
अपघात झाला त्या एक्सप्रेसची गती कमी असल्याने या अपघातात कुठलीही जिवित हानी झाली नाही. ही घटना आज शुक्रवारी पहाटे ५ वाजताच्या सुमारास बोदवड रेल्वेस्थानकापासून ५०० मीटर अंतरावर घडली.
छत्रपती शिवाजी महाराज टर्मिनल ते अमरावती डाऊन एक्सप्रेस (क्र.१२१११) ही गाडी सकाळी पाच वाजेच्या दरम्यान बोदवड रेल्वे गेट जवळून जात होती. त्याचवेळी बंद असलेले रेल्वेगेट तोडून एक ट्रक रेल्वे मार्गात घुसला आणि रेल्वे इंजिनवर जाऊन आदळला. इकडे एक्सप्रेसची गती कमी असल्याने चालकाने ब्रेक लावून गाडी थांबवली. तर ट्रक इंजिनवर धडकताच ट्रकचालक उडी घेत पसार झाला.
प्राथमिक माहितीनुसार, जुन्या रेल्वे क्रॉसिंगमधून हा ट्रक पटर्‍यांवर आला आणि थेट मुंबई-अमरावती एक्सप्रेसला धडकला. अपघातानंतर काही वेळ रेल्वे सेवेत अडथळा निर्माण झाला. अप आणि डाऊन दोन्ही मार्गांवरील रेल्वे वाहतूक ठप्प झाली होती. सध्या ट्रॅकवरून ट्रक काढण्याचे काम प्रशासनाकडून केले जात आहे. रेल्वेचे कर्मचारी मोठ्या संख्येने उपस्थित आहेत. रेल्वे अधिकाऱ्यांकडून इतरही सर्व तपासणी केली जाईल.
शुक्रवारी पहाटे चार वाजता बोदवड रेल्वे स्थानकाजवळ असलेले जुने रेल्वे क्रॉसिंग तोडून धान्याचा ट्रक ट्रॅकवर आला, त्याचवेळी अमरावती एक्सप्रेस येत होती. धान्याचा ट्रक आणि एकस्प्रेसची धडक झाली. सुदैवाने एक्सप्रेसचा वेग कमी होता, त्यामुळे मोठी दुर्गघटना टळली. या अपघातात कोणताही जिवितहानी झाली आहे. जखमी झालेल्यांवर जवळच्या रूग्णालयात उपचार सुरू आहेत.
बोदवड रेल्वे स्थानकाजवळ झालेल्या अपघातामुळे मुंबई हावडा मार्गावरील रेल्वे वाहतूक विस्कळीत झाली आहे. नागपूर आणि हावडाकडे जाणाऱ्या अनेक गाड्या भुसावळ-जळगाव रेल्वे स्थानकावर थांबवल्या तर हावडा-नागपूरकडून मुंबईच्या दिशेने जाणाऱ्या गाड्या मलकापूर व अकोला रेल्वे स्थानकावर थांबवल्या.
