अकोला दिव्य न्यूज : देशव्यापी स्वच्छता पंधरवाड्याचा भाग म्हणून प्रसिद्ध समाजसेवक आणि आध्यात्मिक गुरु सतपाल महाराज यांच्या प्रेरणेने आणि विभूजी महाराजांच्या मार्गदर्शनाखाली मानव उत्थान सेवा समितीच्या अकोला शाखेने दोन दिवसीय स्वच्छ भारत अभियान सुरू केले. समितीच्या प्रादेशिक आश्रमाच्या प्रभारी महात्मा खुशालीबाई यांनी सांगितले की, स्वच्छता मोहीम सार्वजनिक आरोग्य सुधारण्यात आणि रोग कमी करण्यात मोहिमेचे व्यापक फायदे अधोरेखित करते.
समितीच्या अकोला शाखेने छोटी उमरी संकुलात व्यापक स्वच्छता कार्य केले. गेल्या अनेक दशकांपासून, मानव उत्थान सेवा समिती भूकंप, पूर आणि साथीच्या रोगांसारख्या नैसर्गिक आपत्तींमध्ये आध्यात्मिक ज्ञानाचा प्रसार करत आहे. मिशन एज्युकेशन उपक्रम, मिशन मेडिसिन उपक्रम, रक्तदान शिबिरे, आरोग्य तपासणी, वृक्षारोपण, स्वच्छता मोहीम व मदत शिबिरांद्वारे जनकल्याणासाठी काम करत आहे. प्रादेशिक महात्मा खुशालीबाई यांनी सांगितले की, त्यांच्या परिसरांना स्वच्छता मोहिमेशी जोडणे आणि स्वच्छतेबद्दल जागरूकता निर्माण करणे हे प्रत्येकाचे कर्तव्य आहे.
याप्रसंगी महात्मा आकृतीबाई आणि महात्मा लक्ष्मीबाई उपस्थित होते. प्रमुख पाहुणे खासदार अनुप धोत्रे यांनी स्वच्छता मोहिमेला हिरवा झेंडा दाखवला.यावेळी आ. वसंत खंडेलवाल, आ. रणधीर सावरकर, माजी नगरसेवक सागर शेगोकार, माजी नगरसेवक बबलू जगताप आणि माजी नगरसेवक हरीश काळे उपस्थित होते. सर्व पाहुण्यांनी परिसर स्वच्छ केला. अधिकाऱ्यांनी त्यांचे आश्रम साहित्य देऊन स्वागत केले. खा. अनूप धोत्रे, आ. सावरकर आणि आ. खंडेलवाल यांनी सतपाल महाराजांच्या या प्रेरणादायी सेवेचे कौतुक करून स्थानिक जनतेने या स्वच्छता मोहिमेतून प्रेरणा घेऊन आपला परिसर स्वच्छ ठेवण्याची व लोकांना जागरूक करण्याची प्रतिज्ञा करावी, असं आवाहन केलं.
यावेळी महापालिकेचे आरोग्य निरीक्षक प्रवीण मनवर, भाजपचे शहर सरचिटणीस ॲड. देवाशिष काकड, नारायण ढवळे, रमेश उमरकर, गजानन अवस्थी, प्रवीण पोटे, अतुल गोमासे, कोकिळा देशमुख, नंदा पवार, दीपक पुरी, रामू निखार, प्रकाश वाकोडे, राधा उमरकर, मनकर्णा पोटे, इंगळे ,योगेश गोमासे, दीपक खेडकर, हरिभाऊ घाटोळ, पियुष पोटे, दीपक खेडकर, निर्मला गव्हारे, सुनंदा काळे, सुनंदा काकडे, संध्या अवस्थी, तसेच युवा शाखा व मानव सेवा दलाचे स्वयंसेवक उपस्थित होते..
स्वच्छता मोहिमेत खासदार अनुप धोत्रे, आमदार रणधीर सावरकर, आमदार वसंत खंडेलवाल इत्यादींनी सहभाग घेतला.
